॥ देव्या दूतसंवादो नाम पञ्चमोऽध्यायः ॥
ॐ क्लीं ऋषिरुवाच ॥1॥
oṃ klīṃ ṛṣiruvāca ||1||
ऋषि बोले।
पुरा शुम्भनिशुम्भाभ्यामसुराभ्यां शचीपतेः । त्रैलोक्यं यज्ञभागाश्च हृता मदबलाश्रयात् ॥2॥
purā śumbhaniśumbhābhyāmasurābhyāṃ śacīpateḥ | trailokyaṃ yajñabhāgāśca hṛtā madabalāśrayāt ||2||
पहले शुंभ और निशुंभ नाम के असुरों ने अपने घमंड और बल के भरोसे शचीपति इंद्र से तीनों लोक और यज्ञ के भाग छीन लिए।
तावेव सूर्यतां तद्वदधिकारं तथैन्दवम् । कौबेरमथ याम्यं च चक्राते वरुणस्य च ॥3॥
tāveva sūryatāṃ tadvadadhikāraṃ tathaindavam | kauberamatha yāmyaṃ ca cakrāte varuṇasya ca ||3||
उन्हीं दोनों ने सूर्य, चंद्रमा, कुबेर, यम और वरुण के अधिकार भी अपने हाथ में ले लिए।
तावेव पवनर्द्धिं च चक्रतुर्वह्निकर्म च । ततो देवा विनिर्धूता भ्रष्टराज्याः पराजिताः ॥4॥
tāveva pavanarddhiṃ ca cakraturvahnikarma ca | tato devā vinirdhūtā bhraṣṭarājyāḥ parājitāḥ ||4||
वायु और अग्नि का काम भी वे ही करने लगे। इस तरह देवता हारकर, राज्य से वंचित होकर इधर-उधर बिखर गए।
हृताधिकारास्त्रिदशास्ताभ्यां सर्वे निराकृताः । महासुराभ्यां तां देवीं संस्मरन्त्यपराजिताम् ॥5॥
hṛtādhikārāstridaśāstābhyāṃ sarve nirākṛtāḥ | mahāsurābhyāṃ tāṃ devīṃ saṃsmarantyaparājitām ||5||
उन दोनों महान असुरों द्वारा अधिकार छीनकर निकाले गए सब देवताओं ने उन अपराजिता देवी का स्मरण किया —
तयास्माकं वरो दत्तो यथाऽऽपत्सु स्मृताखिलाः । भवतां नाशयिष्यामि तत्क्षणात्परमापदः ॥6॥
tayāsmākaṃ varo datto yathā''patsu smṛtākhilāḥ | bhavatāṃ nāśayiṣyāmi tatkṣaṇātparamāpadaḥ ||6||
"उन्होंने हमें वर दिया था कि विपत्ति में तुम जब भी मेरा स्मरण करोगे, मैं उसी क्षण तुम्हारी सारी बड़ी विपत्तियाँ नष्ट कर दूँगी।"
इति कृत्वा मतिं देवा हिमवन्तं नगेश्वरम् । जग्मुस्तत्र ततो देवीं विष्णुमायां प्रतुष्टुवुः ॥7॥
iti kṛtvā matiṃ devā himavantaṃ nageśvaram | jagmustatra tato devīṃ viṣṇumāyāṃ pratuṣṭuvuḥ ||7||
यह निश्चय करके देवता पर्वतराज हिमालय पर गए, और वहाँ विष्णुमाया देवी की स्तुति करने लगे।
देवा ऊचुः ॥8॥
devā ūcuḥ ||8||
देवता बोले।
नमो देव्यै महादेव्यै शिवायै सततं नमः । नमः प्रकृत्यै भद्रायै नियताः प्रणताः स्म ताम् ॥9॥
namo devyai mahādevyai śivāyai satataṃ namaḥ | namaḥ prakṛtyai bhadrāyai niyatāḥ praṇatāḥ sma tām ||9||
देवी को नमस्कार है, महादेवी को नमस्कार है, कल्याणमयी शिवा को सदा नमस्कार है। प्रकृति और भद्रा को नमस्कार है — हम नियम से उन्हें प्रणाम करते हैं।
रौद्रायै नमो नित्यायै गौर्यै धात्र्यै नमो नमः । ज्योत्स्नायै चेन्दुरूपिण्यै सुखायै सततं नमः ॥10॥
raudrāyai namo nityāyai gauryai dhātryai namo namaḥ | jyotsnāyai cendurūpiṇyai sukhāyai satataṃ namaḥ ||10||
रौद्रा को नमस्कार, नित्या को, गौरी को और जगत को धारण करने वाली धात्री को बार-बार नमस्कार। चाँदनी-रूपा, चंद्र-रूपिणी और सुख-रूपा देवी को सदा नमस्कार।
कल्याण्यै प्रणतां वृद्ध्यै सिद्ध्यै कुर्मो नमो नमः । नैरृत्यै भूभृतां लक्ष्म्यै शर्वाण्यै ते नमो नमः ॥11॥
kalyāṇyai praṇatāṃ vṛddhyai siddhyai kurmo namo namaḥ | nairṛtyai bhūbhṛtāṃ lakṣmyai śarvāṇyai te namo namaḥ ||11||
शरणागतों की कल्याणकारिणी, वृद्धि और सिद्धि-रूपा देवी को हम बार-बार नमस्कार करते हैं। नैर्ऋती, राजाओं की लक्ष्मी और शर्वाणी — तुम्हें बार-बार नमस्कार।
दुर्गायै दुर्गपारायै सारायै सर्वकारिण्यै । ख्यात्यै तथैव कृष्णायै धूम्रायै सततं नमः ॥12॥
durgāyai durgapārāyai sārāyai sarvakāriṇyai | khyātyai tathaiva kṛṣṇāyai dhūmrāyai satataṃ namaḥ ||12||
दुर्गा, दुर्गम संसार से पार कराने वाली, सब की सार, सब कुछ करने वाली, ख्याति, कृष्णा और धूम्रा देवी को सदा नमस्कार।
अतिसौम्यातिरौद्रायै नतास्तस्यै नमो नमः । नमो जगत्प्रतिष्ठायै देव्यै कृत्यै नमो नमः ॥13॥
atisaumyātiraudrāyai natāstasyai namo namaḥ | namo jagatpratiṣṭhāyai devyai kṛtyai namo namaḥ ||13||
जो अत्यंत सौम्य भी हैं और अत्यंत रौद्र भी, उन्हें हम झुककर बार-बार नमस्कार करते हैं। जगत की आधार-रूपा कृति देवी को बार-बार नमस्कार।
या देवी सर्वभूतेषु विष्णुमायेति शब्दिता । नमस्तस्यै ॥14॥
yā devī sarvabhūteṣu viṣṇumāyeti śabditā | namastasyai ||14||
जो देवी सब प्राणियों में विष्णुमाया नाम से कही जाती हैं, उन्हें नमस्कार है।
नमस्तस्यै ॥15॥
namastasyai ||15||
उन्हें नमस्कार है।
नमस्तस्यै नमो नमः ॥16॥
namastasyai namo namaḥ ||16||
उन्हें बार-बार नमस्कार है।
या देवी सर्वभूतेषु चेतनेत्यभिधीयते । नमस्तस्यै ॥17॥
yā devī sarvabhūteṣu cetanetyabhidhīyate | namastasyai ||17||
जो देवी सब प्राणियों में चेतना कहलाती हैं, उन्हें नमस्कार है।
नमस्तस्यै ॥18॥
namastasyai ||18||
उन्हें नमस्कार है।
नमस्तस्यै नमो नमः ॥19॥
namastasyai namo namaḥ ||19||
उन्हें बार-बार नमस्कार है।
या देवी सर्वभूतेषु बुद्धिरूपेण संस्थिता । नमस्तस्यै ॥20॥
yā devī sarvabhūteṣu buddhirūpeṇa saṃsthitā | namastasyai ||20||
जो देवी सब प्राणियों में बुद्धि के रूप में स्थित हैं, उन्हें नमस्कार है।
नमस्तस्यै ॥21॥
namastasyai ||21||
उन्हें नमस्कार है।
नमस्तस्यै नमो नमः ॥22॥
namastasyai namo namaḥ ||22||
उन्हें बार-बार नमस्कार है।
या देवी सर्वभूतेषु निद्रारूपेण संस्थिता । नमस्तस्यै ॥23॥
yā devī sarvabhūteṣu nidrārūpeṇa saṃsthitā | namastasyai ||23||
जो देवी सब प्राणियों में निद्रा के रूप में स्थित हैं, उन्हें नमस्कार है।
नमस्तस्यै ॥24॥
namastasyai ||24||
उन्हें नमस्कार है।
नमस्तस्यै नमो नमः ॥25॥
namastasyai namo namaḥ ||25||
उन्हें बार-बार नमस्कार है।
या देवी सर्वभूतेषु क्षुधारूपेण संस्थिता । नमस्तस्यै ॥26॥
yā devī sarvabhūteṣu kṣudhārūpeṇa saṃsthitā | namastasyai ||26||
जो देवी सब प्राणियों में भूख (क्षुधा) के रूप में स्थित हैं, उन्हें नमस्कार है।
नमस्तस्यै ॥27॥
namastasyai ||27||
उन्हें नमस्कार है।
नमस्तस्यै नमो नमः ॥28॥
namastasyai namo namaḥ ||28||
उन्हें बार-बार नमस्कार है।
या देवी सर्वभूतेषुच्छायारूपेण संस्थिता नमस्तस्यै ॥29॥
yā devī sarvabhūteṣucchāyārūpeṇa saṃsthitā namastasyai ||29||
जो देवी सब प्राणियों में छाया के रूप में स्थित हैं, उन्हें नमस्कार है।
नमस्तस्यै ॥30॥
namastasyai ||30||
उन्हें नमस्कार है।
नमस्तस्यै नमो नमः ॥31॥
namastasyai namo namaḥ ||31||
उन्हें बार-बार नमस्कार है।
या देवी सर्वभूतेषु शक्तिरूपेण संस्थिता नमस्तस्यै ॥32॥
yā devī sarvabhūteṣu śaktirūpeṇa saṃsthitā namastasyai ||32||
जो देवी सब प्राणियों में शक्ति के रूप में स्थित हैं, उन्हें नमस्कार है।
नमस्तस्यै ॥33॥
namastasyai ||33||
उन्हें नमस्कार है।
नमस्तस्यै नमो नमः ॥34॥
namastasyai namo namaḥ ||34||
उन्हें बार-बार नमस्कार है।
या देवी सर्वभूतेषु तृष्णारूपेण संस्थिता नमस्तस्यै ॥35॥
yā devī sarvabhūteṣu tṛṣṇārūpeṇa saṃsthitā namastasyai ||35||
जो देवी सब प्राणियों में तृष्णा के रूप में स्थित हैं, उन्हें नमस्कार है।
नमस्तस्यै ॥36॥
namastasyai ||36||
उन्हें नमस्कार है।
नमस्तस्यै नमो नमः ॥37॥
namastasyai namo namaḥ ||37||
उन्हें बार-बार नमस्कार है।
या देवी सर्वभूतेषु क्षान्तिरूपेण संस्थिता नमस्तस्यै ॥38॥
yā devī sarvabhūteṣu kṣāntirūpeṇa saṃsthitā namastasyai ||38||
जो देवी सब प्राणियों में क्षमा (क्षान्ति) के रूप में स्थित हैं, उन्हें नमस्कार है।
नमस्तस्यै ॥39॥
namastasyai ||39||
उन्हें नमस्कार है।
नमस्तस्यै नमो नमः ॥40॥
namastasyai namo namaḥ ||40||
उन्हें बार-बार नमस्कार है।
या देवी सर्वभूतेषु जातिरूपेण संस्थिता नमस्तस्यै ॥41॥
yā devī sarvabhūteṣu jātirūpeṇa saṃsthitā namastasyai ||41||
जो देवी सब प्राणियों में जाति के रूप में स्थित हैं, उन्हें नमस्कार है।
नमस्तस्यै ॥42॥
namastasyai ||42||
उन्हें नमस्कार है।
नमस्तस्यै नमो नमः ॥43॥
namastasyai namo namaḥ ||43||
उन्हें बार-बार नमस्कार है।
या देवी सर्वभूतेषु लज्जारूपेण संस्थिता नमस्तस्यै ॥44॥
yā devī sarvabhūteṣu lajjārūpeṇa saṃsthitā namastasyai ||44||
जो देवी सब प्राणियों में लज्जा के रूप में स्थित हैं, उन्हें नमस्कार है।
नमस्तस्यै ॥45॥
namastasyai ||45||
उन्हें नमस्कार है।
नमस्तस्यै नमो नमः ॥46॥
namastasyai namo namaḥ ||46||
उन्हें बार-बार नमस्कार है।
या देवी सर्वभूतेषु शान्तिरूपेण संस्थिता नमस्तस्यै ॥47॥
yā devī sarvabhūteṣu śāntirūpeṇa saṃsthitā namastasyai ||47||
जो देवी सब प्राणियों में शांति के रूप में स्थित हैं, उन्हें नमस्कार है।
नमस्तस्यै ॥48॥
namastasyai ||48||
उन्हें नमस्कार है।
नमस्तस्यै नमो नमः ॥49॥
namastasyai namo namaḥ ||49||
उन्हें बार-बार नमस्कार है।
या देवी सर्वभूतेषु श्रद्धारूपेण संस्थिता नमस्तस्यै ॥50॥
yā devī sarvabhūteṣu śraddhārūpeṇa saṃsthitā namastasyai ||50||
जो देवी सब प्राणियों में श्रद्धा के रूप में स्थित हैं, उन्हें नमस्कार है।
नमस्तस्यै ॥51॥
namastasyai ||51||
उन्हें नमस्कार है।
नमस्तस्यै नमो नमः ॥52॥
namastasyai namo namaḥ ||52||
उन्हें बार-बार नमस्कार है।
या देवी सर्वभूतेषु कान्तिरूपेण संस्थिता नमस्तस्यै ॥53॥
yā devī sarvabhūteṣu kāntirūpeṇa saṃsthitā namastasyai ||53||
जो देवी सब प्राणियों में कांति के रूप में स्थित हैं, उन्हें नमस्कार है।
नमस्तस्यै ॥54॥
namastasyai ||54||
उन्हें नमस्कार है।
नमस्तस्यै नमो नमः ॥55॥
namastasyai namo namaḥ ||55||
उन्हें बार-बार नमस्कार है।
या देवी सर्वभूतेषु लक्ष्मीरूपेण संस्थिता नमस्तस्यै ॥56॥
yā devī sarvabhūteṣu lakṣmīrūpeṇa saṃsthitā namastasyai ||56||
जो देवी सब प्राणियों में लक्ष्मी के रूप में स्थित हैं, उन्हें नमस्कार है।
नमस्तस्यै ॥57॥
namastasyai ||57||
उन्हें नमस्कार है।
नमस्तस्यै नमो नमः ॥58॥
namastasyai namo namaḥ ||58||
उन्हें बार-बार नमस्कार है।
या देवी सर्वभूतेषु वृत्तिरूपेण संस्थिता नमस्तस्यै ॥59॥
yā devī sarvabhūteṣu vṛttirūpeṇa saṃsthitā namastasyai ||59||
जो देवी सब प्राणियों में वृत्ति (जीविका, कर्म) के रूप में स्थित हैं, उन्हें नमस्कार है।
नमस्तस्यै ॥60॥
namastasyai ||60||
उन्हें नमस्कार है।
नमस्तस्यै नमो नमः ॥61॥
namastasyai namo namaḥ ||61||
उन्हें बार-बार नमस्कार है।
या देवी सर्वभूतेषु स्मृतिरूपेण संस्थिता नमस्तस्यै ॥62॥
yā devī sarvabhūteṣu smṛtirūpeṇa saṃsthitā namastasyai ||62||
जो देवी सब प्राणियों में स्मृति के रूप में स्थित हैं, उन्हें नमस्कार है।
नमस्तस्यै ॥63॥
namastasyai ||63||
उन्हें नमस्कार है।
नमस्तस्यै नमो नमः ॥64॥
namastasyai namo namaḥ ||64||
उन्हें बार-बार नमस्कार है।
या देवी सर्वभूतेषु दयारूपेण संस्थिता नमस्तस्यै ॥65॥
yā devī sarvabhūteṣu dayārūpeṇa saṃsthitā namastasyai ||65||
जो देवी सब प्राणियों में दया के रूप में स्थित हैं, उन्हें नमस्कार है।
नमस्तस्यै ॥66॥
namastasyai ||66||
उन्हें नमस्कार है।
नमस्तस्यै नमो नमः ॥67॥
namastasyai namo namaḥ ||67||
उन्हें बार-बार नमस्कार है।
या देवी सर्वभूतेषु तुष्टिरूपेण संस्थिता नमस्तस्यै ॥68॥
yā devī sarvabhūteṣu tuṣṭirūpeṇa saṃsthitā namastasyai ||68||
जो देवी सब प्राणियों में तुष्टि (संतोष) के रूप में स्थित हैं, उन्हें नमस्कार है।
नमस्तस्यै ॥69॥
namastasyai ||69||
उन्हें नमस्कार है।
नमस्तस्यै नमो नमः ॥70॥
namastasyai namo namaḥ ||70||
उन्हें बार-बार नमस्कार है।
या देवी सर्वभूतेषु मातृरूपेण संस्थिता नमस्तस्यै ॥71॥
yā devī sarvabhūteṣu mātṛrūpeṇa saṃsthitā namastasyai ||71||
जो देवी सब प्राणियों में माता के रूप में स्थित हैं, उन्हें नमस्कार है।
नमस्तस्यै ॥72॥
namastasyai ||72||
उन्हें नमस्कार है।
नमस्तस्यै नमो नमः ॥73॥
namastasyai namo namaḥ ||73||
उन्हें बार-बार नमस्कार है।
या देवी सर्वभूतेषु भ्रान्तिरूपेण संस्थिता नमस्तस्यै ॥74॥
yā devī sarvabhūteṣu bhrāntirūpeṇa saṃsthitā namastasyai ||74||
जो देवी सब प्राणियों में भ्रांति के रूप में स्थित हैं, उन्हें नमस्कार है।
नमस्तस्यै ॥75॥
namastasyai ||75||
उन्हें नमस्कार है।
नमस्तस्यै नमो नमः ॥76॥
namastasyai namo namaḥ ||76||
उन्हें बार-बार नमस्कार है।
इन्द्रियाणामधिष्ठात्री भूतानां चाखिलेषु या । भूतेषु सततं तस्यै व्याप्तिदेव्यै नमो नमः ॥77॥
indriyāṇāmadhiṣṭhātrī bhūtānāṃ cākhileṣu yā | bhūteṣu satataṃ tasyai vyāptidevyai namo namaḥ ||77||
जो सब प्राणियों की इंद्रियों की अधिष्ठात्री हैं और सब प्राणियों में सदा व्याप्त हैं, उन व्याप्ति-देवी को बार-बार नमस्कार।
चितिरूपेण या कृत्स्नमेतद् व्याप्य स्थिता जगत् । नमस्तस्यै ॥78॥
citirūpeṇa yā kṛtsnametad vyāpya sthitā jagat | namastasyai ||78||
जो चेतना के रूप में इस सारे जगत में व्याप्त होकर स्थित हैं, उन्हें नमस्कार है।
नमस्तस्यै ॥79॥
namastasyai ||79||
उन्हें नमस्कार है।
नमस्तस्यै नमो नमः ॥80॥
namastasyai namo namaḥ ||80||
उन्हें बार-बार नमस्कार है।
स्तुता सुरैः पूर्वमभीष्टसंश्रयात्तथा सुरेन्द्रेण दिनेषु सेविता । करोतु सा नः शुभहेतुरीश्वरी शुभानि भद्राण्यभिहन्तु चापदः ॥81॥
stutā suraiḥ pūrvamabhīṣṭasaṃśrayāttathā surendreṇa dineṣu sevitā | karotu sā naḥ śubhaheturīśvarī śubhāni bhadrāṇyabhihantu cāpadaḥ ||81||
पहले अपनी मनचाही रक्षा पाने के लिए देवताओं ने जिनकी स्तुति की, और देवराज इंद्र ने बहुत दिनों तक जिनकी सेवा की — वे कल्याण की मूल ईश्वरी हमारा शुभ और मंगल करें, और हमारी विपत्तियाँ नष्ट करें।
या साम्प्रतं चोद्धतदैत्यतापितैरस्माभिरीशा च सुरैर्नमस्यते । या च स्मृता तत्क्षणमेव हन्ति नः सर्वापदो भक्तिविनम्रमूर्तिभिः ॥82॥
yā sāmprataṃ coddhatadaityatāpitairasmābhirīśā ca surairnamasyate | yā ca smṛtā tatkṣaṇameva hanti naḥ sarvāpado bhaktivinamramūrtibhiḥ ||82||
उद्दंड दैत्यों से सताए गए हम देवता इस समय जिन ईश्वरी को नमस्कार करते हैं, और भक्ति से झुककर स्मरण करने पर जो उसी क्षण हमारी सब विपत्तियाँ नष्ट कर देती हैं — (वे हमारा कल्याण करें)।
ऋषिरुवाच ॥83॥
ṛṣiruvāca ||83||
ऋषि बोले।
एवं स्तवादियुक्तानां देवानां तत्र पार्वती । स्नातुमभ्याययौ तोये जाह्नव्या नृपनन्दन ॥84॥
evaṃ stavādiyuktānāṃ devānāṃ tatra pārvatī | snātumabhyāyayau toye jāhnavyā nṛpanandana ||84||
हे राजकुमार! जब देवता इस प्रकार स्तुति आदि कर रहे थे, तब पार्वती गंगा के जल में स्नान करने वहाँ आईं।
साब्रवीत्तान् सुरान् सुभ्रूर्भवद्भिः स्तूयतेऽत्र का । शरीरकोशतश्चास्याः समुद्भूताब्रवीच्छिवा ॥85॥
sābravīttān surān subhrūrbhavadbhiḥ stūyate'tra kā | śarīrakośataścāsyāḥ samudbhūtābravīcchivā ||85||
सुंदर भौंहों वाली पार्वती ने उन देवताओं से पूछा — "आप यहाँ किसकी स्तुति कर रहे हैं?" तब उन्हीं के शरीर-कोश से प्रकट होकर शिवा देवी बोलीं —
स्तोत्रं ममैतत् क्रियते शुम्भदैत्यनिराकृतैः । देवैः समेतैः समरे निशुम्भेन पराजितैः ॥86॥
stotraṃ mamaitat kriyate śumbhadaityanirākṛtaiḥ | devaiḥ sametaiḥ samare niśumbhena parājitaiḥ ||86||
"शुंभ दैत्य द्वारा तिरस्कृत और युद्ध में निशुंभ से हारे हुए ये सब देवता मिलकर मेरी ही यह स्तुति कर रहे हैं।"
शरीरकोशाद्यत्तस्याः पार्वत्या निःसृताम्बिका । कौशिकीति समस्तेषु ततो लोकेषु गीयते ॥87॥
śarīrakośādyattasyāḥ pārvatyā niḥsṛtāmbikā | kauśikīti samasteṣu tato lokeṣu gīyate ||87||
पार्वती के शरीर-कोश से अम्बिका निकलीं, इसलिए वे सब लोकों में "कौशिकी" नाम से गाई जाती हैं।
तस्यां विनिर्गतायां तु कृष्णाभूत्सापि पार्वती । कालिकेति समाख्याता हिमाचलकृताश्रया ॥88॥
tasyāṃ vinirgatāyāṃ tu kṛṣṇābhūtsāpi pārvatī | kāliketi samākhyātā himācalakṛtāśrayā ||88||
उनके निकल जाने पर वे पार्वती भी काली हो गईं और "कालिका" नाम से प्रसिद्ध हुईं। वे हिमालय पर रहने लगीं।
ततोऽम्बिकां परं रूपं बिभ्राणां सुमनोहरम् । ददर्श चण्डो मुण्डश्च भृत्यौ शुम्भनिशुम्भयोः ॥89॥
tato'mbikāṃ paraṃ rūpaṃ bibhrāṇāṃ sumanoharam | dadarśa caṇḍo muṇḍaśca bhṛtyau śumbhaniśumbhayoḥ ||89||
इसके बाद शुंभ-निशुंभ के सेवक चंड और मुंड ने अत्यंत मनोहर उत्तम रूप धारण की हुई अम्बिका को देखा।
ताभ्यां शुम्भाय चाख्याता अतीव सुमनोहरा । काप्यास्ते स्त्री महाराज भासयन्ती हिमाचलम् ॥90॥
tābhyāṃ śumbhāya cākhyātā atīva sumanoharā | kāpyāste strī mahārāja bhāsayantī himācalam ||90||
उन दोनों ने शुंभ से कहा — "महाराज! हिमालय को प्रकाशित करती हुई एक अत्यंत मनोहर स्त्री वहाँ रहती है।
नैव तादृक् क्वचिद्रूपं दृष्टं केनचिदुत्तमम् । ज्ञायतां काप्यसौ देवी गृह्यतां चासुरेश्वर ॥91॥
naiva tādṛk kvacidrūpaṃ dṛṣṭaṃ kenaciduttamam | jñāyatāṃ kāpyasau devī gṛhyatāṃ cāsureśvara ||91||
ऐसा उत्तम रूप कहीं किसी ने कभी नहीं देखा। हे असुरेश्वर! पता लगाइए कि वे कौन देवी हैं, और उन्हें अपना बना लीजिए।
स्त्रीरत्नमतिचार्वङ्गी द्योतयन्ती दिशस्त्विषा । सा तु तिष्ठति दैत्येन्द्र तां भवान् द्रष्टुमर्हति ॥92॥
strīratnamaticārvaṅgī dyotayantī diśastviṣā | sā tu tiṣṭhati daityendra tāṃ bhavān draṣṭumarhati ||92||
हे दैत्यराज! स्त्रियों में रत्न, अत्यंत सुंदर अंगों वाली, अपनी कांति से दिशाओं को प्रकाशित करती हुई वे वहाँ विराजती हैं — आपको उन्हें देखना चाहिए।
यानि रत्नानि मणयो गजाश्वादीनि वै प्रभो । त्रैलोक्ये तु समस्तानि साम्प्रतं भान्ति ते गृहे ॥93॥
yāni ratnāni maṇayo gajāśvādīni vai prabho | trailokye tu samastāni sāmprataṃ bhānti te gṛhe ||93||
हे प्रभु! तीनों लोकों में जितने भी रत्न, मणियाँ, हाथी-घोड़े आदि हैं, वे सब इस समय आपके घर में शोभा पा रहे हैं।
ऐरावतः समानीतो गजरत्नं पुरन्दरात् । पारिजाततरुश्चायं तथैवोच्चैःश्रवा हयः ॥94॥
airāvataḥ samānīto gajaratnaṃ purandarāt | pārijātataruścāyaṃ tathaivoccaiḥśravā hayaḥ ||94||
हाथियों में रत्न ऐरावत इंद्र से लाया गया है, और यह पारिजात वृक्ष तथा उच्चैःश्रवा घोड़ा भी।
विमानं हंससंयुक्तमेतत्तिष्ठति तेऽङ्गणे । रत्नभूतमिहानीतं यदासीद्वेधसोऽद्भुतम् ॥95॥
vimānaṃ haṃsasaṃyuktametattiṣṭhati te'ṅgaṇe | ratnabhūtamihānītaṃ yadāsīdvedhaso'dbhutam ||95||
ब्रह्मा जी का वह अद्भुत, रत्न-रूप हंसों वाला विमान यहाँ लाया गया है और आपके आँगन में खड़ा है।
निधिरेष महापद्मः समानीतो धनेश्वरात् । किञ्जल्किनीं ददौ चाब्धिर्मालामम्लानपङ्कजाम् ॥96॥
nidhireṣa mahāpadmaḥ samānīto dhaneśvarāt | kiñjalkinīṃ dadau cābdhirmālāmamlānapaṅkajām ||96||
कुबेर से महापद्म नाम की निधि लाई गई है, और समुद्र ने केसर वाले, कभी न मुरझाने वाले कमलों की माला दी है।
छत्रं ते वारुणं गेहे काञ्चनस्रावि तिष्ठति । तथायं स्यन्दनवरो यः पुराऽऽसीत्प्रजापतेः ॥97॥
chatraṃ te vāruṇaṃ gehe kāñcanasrāvi tiṣṭhati | tathāyaṃ syandanavaro yaḥ purā''sītprajāpateḥ ||97||
सोना बरसाने वाला वरुण का छत्र आपके घर में है, और प्रजापति का वह श्रेष्ठ रथ भी, जो पहले उनका था।
मृत्योरुत्क्रान्तिदा नाम शक्तिरीश त्वया हृता । पाशः सलिलराजस्य भ्रातुस्तव परिग्रहे ॥98॥
mṛtyorutkrāntidā nāma śaktirīśa tvayā hṛtā | pāśaḥ salilarājasya bhrātustava parigrahe ||98||
हे स्वामी! मृत्यु की "उत्क्रांतिदा" नाम की शक्ति आपने छीन ली है, और जल के राजा वरुण का पाश आपके भाई के पास है।
निशुम्भस्याब्धिजाताश्च समस्ता रत्नजातयः । वह्निरपि ददौ तुभ्यमग्निशौचे च वाससी ॥99॥
niśumbhasyābdhijātāśca samastā ratnajātayaḥ | vahnirapi dadau tubhyamagniśauce ca vāsasī ||99||
समुद्र में उत्पन्न होने वाले सब प्रकार के रत्न निशुंभ के पास हैं, और अग्नि ने भी आपको अग्नि से शुद्ध किए हुए दो वस्त्र दिए हैं।
एवं दैत्येन्द्र रत्नानि समस्तान्याहृतानि ते । स्त्रीरत्नमेषा कल्याणी त्वया कस्मान्न गृह्यते ॥100॥
evaṃ daityendra ratnāni samastānyāhṛtāni te | strīratnameṣā kalyāṇī tvayā kasmānna gṛhyate ||100||
हे दैत्यराज! इस प्रकार सब रत्न आप ले आए हैं, तो स्त्रियों में रत्न इन कल्याणी देवी को आप क्यों नहीं अपना बनाते?"
ऋषिरुवाच ॥101॥
ṛṣiruvāca ||101||
ऋषि बोले।
निशम्येति वचः शुम्भः स तदा चण्डमुण्डयोः । प्रेषयामास सुग्रीवं दूतं देव्या महासुरम् ॥102॥
niśamyeti vacaḥ śumbhaḥ sa tadā caṇḍamuṇḍayoḥ | preṣayāmāsa sugrīvaṃ dūtaṃ devyā mahāsuram ||102||
चंड-मुंड की यह बात सुनकर शुंभ ने महान असुर सुग्रीव को दूत बनाकर देवी के पास भेजा।
इति चेति च वक्तव्या सा गत्वा वचनान्मम । यथा चाभ्येति संप्रीत्या तथा कार्यं त्वया लघु ॥103॥
iti ceti ca vaktavyā sā gatvā vacanānmama | yathā cābhyeti saṃprītyā tathā kāryaṃ tvayā laghu ||103||
"जाकर मेरी ओर से उनसे ऐसा-ऐसा कहना, और ऐसा उपाय करना कि वे प्रसन्न होकर शीघ्र मेरे पास आ जाएँ।"
स तत्र गत्वा यत्रास्ते शैलोद्देशेऽतिशोभने । तां च देवीं ततः प्राह श्लक्ष्णं मधुरया गिरा ॥104॥
sa tatra gatvā yatrāste śailoddeśe'tiśobhane | tāṃ ca devīṃ tataḥ prāha ślakṣṇaṃ madhurayā girā ||104||
वह वहाँ गया जहाँ पर्वत के अत्यंत सुंदर स्थान पर देवी विराजती थीं, और उनसे कोमल व मधुर वाणी में बोला।
पाठ-भेद — गीता प्रेस / द्रिक पाठ: सा देवी
दूत उवाच ॥105॥ — दूत बोला।
देवि दैत्येश्वरः शुम्भस्त्रैलोक्ये परमेश्वरः । दूतोऽहं प्रेषितस्तेन त्वत्सकाशमिहागतः ॥106॥
devi daityeśvaraḥ śumbhastrailokye parameśvaraḥ | dūto'haṃ preṣitastena tvatsakāśamihāgataḥ ||106||
हे देवी! दैत्यराज शुंभ तीनों लोकों के परमेश्वर हैं। मैं उनका भेजा हुआ दूत हूँ और आपके पास यहाँ आया हूँ।
अव्याहताज्ञः सर्वासु यः सदा देवयोनिषु । निर्जिताखिलदैत्यारिः स यदाह शृणुष्व तत् ॥107॥
avyāhatājñaḥ sarvāsu yaḥ sadā devayoniṣu | nirjitākhiladaityāriḥ sa yadāha śṛṇuṣva tat ||107||
देवताओं में भी जिनकी आज्ञा कभी नहीं टलती, और जिन्होंने दैत्यों के सब शत्रुओं को जीत लिया है, उन्होंने जो कहा है, वह सुनिए —
मम त्रैलोक्यमखिलं मम देवा वशानुगाः । यज्ञभागानहं सर्वानुपाश्नामि पृथक् पृथक् ॥108॥
mama trailokyamakhilaṃ mama devā vaśānugāḥ | yajñabhāgānahaṃ sarvānupāśnāmi pṛthak pṛthak ||108||
"सारे तीनों लोक मेरे हैं, देवता मेरी आज्ञा में चलते हैं, और सब यज्ञ-भाग मैं ही अलग-अलग भोगता हूँ।
त्रैलोक्ये वररत्नानि मम वश्यान्यशेषतः । तथैव गजरत्नं च हृत्वा देवेन्द्रवाहनम् ॥109॥
trailokye vararatnāni mama vaśyānyaśeṣataḥ | tathaiva gajaratnaṃ ca hṛtvā devendravāhanam ||109||
तीनों लोकों के श्रेष्ठ रत्न सब मेरे वश में हैं। देवराज का वाहन हाथियों में रत्न ऐरावत भी मैं छीन लाया हूँ।
क्षीरोदमथनोद्भूतमश्वरत्नं ममामरैः । उच्चैःश्रवससंज्ञं तत्प्रणिपत्य समर्पितम् ॥110॥
kṣīrodamathanodbhūtamaśvaratnaṃ mamāmaraiḥ | uccaiḥśravasasaṃjñaṃ tatpraṇipatya samarpitam ||110||
क्षीरसागर के मंथन से निकला घोड़ों में रत्न उच्चैःश्रवा देवताओं ने प्रणाम करके मुझे भेंट किया है।
यानि चान्यानि देवेषु गन्धर्वेषूरगेषु च । रत्नभूतानि भूतानि तानि मय्येव शोभने ॥111॥
yāni cānyāni deveṣu gandharveṣūrageṣu ca | ratnabhūtāni bhūtāni tāni mayyeva śobhane ||111||
हे सुंदरी! देवताओं, गंधर्वों और नागों में जो भी रत्न-रूप वस्तुएँ थीं, वे सब मेरे ही पास हैं।
स्त्रीरत्नभूतां त्वां देवि लोके मन्यामहे वयम् । सा त्वमस्मानुपागच्छ यतो रत्नभुजो वयम् ॥112॥
strīratnabhūtāṃ tvāṃ devi loke manyāmahe vayam | sā tvamasmānupāgaccha yato ratnabhujo vayam ||112||
हे देवी! हम तुम्हें संसार की स्त्रियों में रत्न मानते हैं। इसलिए तुम हमारे पास आ जाओ, क्योंकि रत्नों का भोग हम ही करते हैं।
मां वा ममानुजं वापि निशुम्भमुरुविक्रमम् । भज त्वं चञ्चलापाङ्गि रत्नभूतासि वै यतः ॥113॥
māṃ vā mamānujaṃ vāpi niśumbhamuruvikramam | bhaja tvaṃ cañcalāpāṅgi ratnabhūtāsi vai yataḥ ||113||
हे चंचल कटाक्ष वाली! मुझे या मेरे महापराक्रमी छोटे भाई निशुंभ को वरण करो, क्योंकि तुम सचमुच रत्न हो।
पाठ-भेद — गीता प्रेस / द्रिक पाठ: च
परमैश्वर्यमतुलं प्राप्स्यसे मत्परिग्रहात् । एतद् बुद्ध्या समालोच्य मत्परिग्रहतां व्रज ॥114॥
paramaiśvaryamatulaṃ prāpsyase matparigrahāt | etad buddhyā samālocya matparigrahatāṃ vraja ||114||
मेरा वरण करके तुम्हें अतुलनीय परम ऐश्वर्य मिलेगा। बुद्धि से यह विचार करके मेरी पत्नी बन जाओ।"
ऋषिरुवाच ॥115॥
ṛṣiruvāca ||115||
ऋषि बोले।
इत्युक्ता सा तदा देवी गम्भीरान्तःस्मिता जगौ । दुर्गा भगवती भद्रा ययेदं धार्यते जगत् ॥116॥
ityuktā sā tadā devī gambhīrāntaḥsmitā jagau | durgā bhagavatī bhadrā yayedaṃ dhāryate jagat ||116||
दूत के ऐसा कहने पर, जिनसे यह जगत धारण होता है, वे कल्याणमयी भगवती दुर्गा मन ही मन गंभीर मुस्कान के साथ बोलीं।
देव्युवाच ॥117॥
devyuvāca ||117||
देवी बोलीं।
सत्यमुक्तं त्वया नात्र मिथ्या किञ्चित्त्वयोदितम् । त्रैलोक्याधिपतिः शुम्भो निशुम्भश्चापि तादृशः ॥118॥
satyamuktaṃ tvayā nātra mithyā kiñcittvayoditam | trailokyādhipatiḥ śumbho niśumbhaścāpi tādṛśaḥ ||118||
तुमने सच कहा है, इसमें कुछ भी झूठ नहीं। शुंभ तीनों लोकों के स्वामी हैं, और निशुंभ भी वैसे ही हैं।
किं त्वत्र यत्प्रतिज्ञातं मिथ्या तत्क्रियते कथम् । श्रूयतामल्पबुद्धित्वात्प्रतिज्ञा या कृता पुरा ॥119॥
kiṃ tvatra yatpratijñātaṃ mithyā tatkriyate katham | śrūyatāmalpabuddhitvātpratijñā yā kṛtā purā ||119||
पर इस विषय में मैंने जो प्रतिज्ञा की है, उसे झूठी कैसे करूँ? अपनी अल्पबुद्धि से मैंने पहले जो प्रतिज्ञा की थी, वह सुनो —
यो मां जयति संग्रामे यो मे दर्पं व्यपोहति । यो मे प्रतिबलो लोके स मे भर्ता भविष्यति ॥120॥
yo māṃ jayati saṃgrāme yo me darpaṃ vyapohati | yo me pratibalo loke sa me bhartā bhaviṣyati ||120||
"जो मुझे युद्ध में जीत लेगा, जो मेरा घमंड चूर कर देगा, और जो संसार में मेरे बराबर बलवान होगा, वही मेरा पति होगा।"
तदागच्छतु शुम्भोऽत्र निशुम्भो वा महासुरः । मां जित्वा किं चिरेणात्र पाणिं गृह्णातु मे लघु ॥121॥
tadāgacchatu śumbho'tra niśumbho vā mahāsuraḥ | māṃ jitvā kiṃ cireṇātra pāṇiṃ gṛhṇātu me laghu ||121||
इसलिए शुंभ या महान असुर निशुंभ यहाँ आएँ, और मुझे जीतकर शीघ्र मेरा पाणिग्रहण कर लें — इसमें देर का क्या काम?
दूत उवाच ॥122॥ — दूत बोला।
अवलिप्तासि मैवं त्वं देवि ब्रूहि ममाग्रतः । त्रैलोक्ये कः पुमांस्तिष्ठेदग्रे शुम्भनिशुम्भयोः ॥123॥
avaliptāsi maivaṃ tvaṃ devi brūhi mamāgrataḥ | trailokye kaḥ pumāṃstiṣṭhedagre śumbhaniśumbhayoḥ ||123||
हे देवी! तुम घमंड में हो। मेरे सामने ऐसी बात मत कहो। तीनों लोकों में कौन पुरुष शुंभ-निशुंभ के सामने टिक सकता है?
अन्येषामपि दैत्यानां सर्वे देवा न वै युधि । तिष्ठन्ति संमुखे देवि किं पुनः स्त्री त्वमेकिका ॥124॥
anyeṣāmapi daityānāṃ sarve devā na vai yudhi | tiṣṭhanti saṃmukhe devi kiṃ punaḥ strī tvamekikā ||124||
हे देवी! दूसरे दैत्यों के सामने भी सब देवता युद्ध में नहीं टिक पाते, फिर तुम तो अकेली स्त्री हो।
इन्द्राद्याः सकला देवास्तस्थुर्येषां न संयुगे । शुम्भादीनां कथं तेषां स्त्री प्रयास्यसि संमुखम् ॥125॥
indrādyāḥ sakalā devāstasthuryeṣāṃ na saṃyuge | śumbhādīnāṃ kathaṃ teṣāṃ strī prayāsyasi saṃmukham ||125||
जिन शुंभ आदि के सामने इंद्र आदि सब देवता युद्ध में नहीं टिक सके, उनके सामने तुम स्त्री होकर कैसे जाओगी?
सा त्वं गच्छ मयैवोक्ता पार्श्वं शुम्भनिशुम्भयोः । केशाकर्षणनिर्धूतगौरवा मा गमिष्यसि ॥126॥
sā tvaṃ gaccha mayaivoktā pārśvaṃ śumbhaniśumbhayoḥ | keśākarṣaṇanirdhūtagauravā mā gamiṣyasi ||126||
इसलिए मेरे कहने से तुम स्वयं शुंभ-निशुंभ के पास चली जाओ, ताकि बाल पकड़कर घसीटी जाने से तुम्हारा सम्मान न जाए।
देव्युवाच ॥127॥
devyuvāca ||127||
देवी बोलीं।
एवमेतद् बली शुम्भो निशुम्भश्चातिवीर्यवान् । किं करोमि प्रतिज्ञा मे यदनालोचिता पुरा ॥128॥
evametad balī śumbho niśumbhaścātivīryavān | kiṃ karomi pratijñā me yadanālocitā purā ||128||
यह ठीक है, शुंभ बलवान हैं और निशुंभ अत्यंत पराक्रमी। पर मैं क्या करूँ, मैंने बिना सोचे-समझे पहले ही प्रतिज्ञा कर ली है।
स त्वं गच्छ मयोक्तं ते यदेतत्सर्वमादृतः । तदाचक्ष्वासुरेन्द्राय स च युक्तं करोतु तत् ॐ ॥129॥
sa tvaṃ gaccha mayoktaṃ te yadetatsarvamādṛtaḥ | tadācakṣvāsurendrāya sa ca yuktaṃ karotu tat oṃ ||129||
इसलिए तुम जाओ, और मैंने जो कुछ कहा है, वह सब आदर के साथ असुरराज से कह दो। फिर वे जो उचित समझें, करें।