देव्यथर्वशीर्ष

ॐ सर्वे वै देवा देवीमुपतस्थुः कासि त्वं महादेवीति ॥1॥

oṃ sarve vai devā devīmupatasthuḥ kāsi tvaṃ mahādevīti ||1||

सब देवता देवी के पास गए और पूछा — "हे महादेवी! तुम कौन हो?"

साब्रवीत् अहं ब्रह्मस्वरूपिणी मत्तः प्रकृतिपुरुषात्मकं जगत् शून्यं चाशून्यं च ॥2॥

sābravīt ahaṃ brahmasvarūpiṇī mattaḥ prakṛtipuruṣātmakaṃ jagat śūnyaṃ cāśūnyaṃ ca ||2||

उन्होंने कहा — "मैं ब्रह्म-स्वरूपिणी हूँ। मुझसे ही प्रकृति और पुरुष रूप यह जगत उत्पन्न हुआ है — शून्य भी और अशून्य भी।"

अहमानन्दानानन्दौ अहं विज्ञानाविज्ञाने । अहं ब्रह्माब्रह्मणी वेदितव्ये । अहं पञ्चभूतान्यपञ्चभूतानि । अहमखिलं जगत् ॥3॥

ahamānandānānandau ahaṃ vijñānāvijñāne | ahaṃ brahmābrahmaṇī veditavye | ahaṃ pañcabhūtānyapañcabhūtāni | ahamakhilaṃ jagat ||3||

"मैं आनंद हूँ और अनानंद भी; विज्ञान हूँ और अविज्ञान भी। जानने योग्य ब्रह्म और अब्रह्म भी मैं ही हूँ। पंच महाभूत और जो पंच महाभूत नहीं हैं, वे भी मैं हूँ। यह सारा जगत मैं हूँ।"

वेदोऽहमवेदोऽहम् विद्याहमविद्याहम् अजाहमनजाहम् । अधश्चोर्ध्वं च तिर्यक्चाहम् ॥4॥

vedo'hamavedo'ham vidyāhamavidyāham ajāhamanajāham | adhaścordhvaṃ ca tiryakcāham ||4||

"मैं वेद हूँ और अवेद भी; विद्या हूँ और अविद्या भी; अजा (अजन्मा) हूँ और अनजा भी। नीचे, ऊपर और आड़े-तिरछे — सब ओर मैं ही हूँ।"

अहं रुद्रेभिर्वसुभिश्चरामि । अहमादित्यैरुत विश्वदेवैः । अहं मित्रावरुणावुभौ बिभर्मि । अहमिन्द्राग्नी अहमश्विनावुभौ ॥5॥

ahaṃ rudrebhirvasubhiścarāmi | ahamādityairuta viśvadevaiḥ | ahaṃ mitrāvaruṇāvubhau bibharmi | ahamindrāgnī ahamaśvināvubhau ||5||

"मैं रुद्रों और वसुओं के साथ विचरती हूँ, आदित्यों और विश्वेदेवों के साथ भी। मैं मित्र और वरुण दोनों को धारण करती हूँ, और इन्द्र, अग्नि व दोनों अश्विनीकुमारों को भी।"

अहं सोमं त्वष्टारं पूषणं भगं दधामि । अहं विष्णुमुरुक्रमं ब्रह्माणमुत प्रजापतिं दधामि ॥6॥

ahaṃ somaṃ tvaṣṭāraṃ pūṣaṇaṃ bhagaṃ dadhāmi | ahaṃ viṣṇumurukramaṃ brahmāṇamuta prajāpatiṃ dadhāmi ||6||

"मैं सोम, त्वष्टा, पूषा और भग को धारण करती हूँ; मैं ही लंबे पग रखने वाले विष्णु, ब्रह्मा और प्रजापति को धारण करती हूँ।"

अहं दधामि द्रविणं हविष्मते सुप्राव्ये यजमानाय सुन्वते । अहं राष्ट्री सङ्गमनी वसूनां चिकितुषी प्रथमा यज्ञियानाम् । अहं सुवे पितरमस्य मूर्धन्मम योनिरप्स्वन्तः समुद्रे । य एवं वेद । स दैवीं सम्पदमाप्नोति ॥7॥

ahaṃ dadhāmi draviṇaṃ haviṣmate suprāvye yajamānāya sunvate | ahaṃ rāṣṭrī saṅgamanī vasūnāṃ cikituṣī prathamā yajñiyānām | ahaṃ suve pitaramasya mūrdhanmama yonirapsvantaḥ samudre | ya evaṃ veda | sa daivīṃ sampadamāpnoti ||7||

"जो यजमान हवि देकर देवताओं को तृप्त करता और सोम-रस निकालता है, उसे मैं धन देती हूँ। मैं राष्ट्र की स्वामिनी, धन-संपदा को इकट्ठा करने वाली, ज्ञान वाली और यज्ञ के योग्य देवताओं में प्रथम हूँ। मैं इस जगत के शिखर पर पिता (आकाश) को जन्म देती हूँ; मेरा उद्गम जल में, समुद्र के भीतर है।" जो ऐसा जानता है, वह दैवी संपत्ति पाता है।

ते देवा अब्रुवन् नमो देव्यै महादेव्यै शिवायै सततं नमः । नमः प्रकृत्यै भद्रायै नियताः प्रणताः स्म ताम् ॥8॥

te devā abruvan namo devyai mahādevyai śivāyai satataṃ namaḥ | namaḥ prakṛtyai bhadrāyai niyatāḥ praṇatāḥ sma tām ||8||

तब देवता बोले — "देवी को नमस्कार है, महादेवी और शिवा को निरंतर नमस्कार है। प्रकृति-स्वरूपा और कल्याणमयी भद्रा को नमस्कार है; हम नियम से उन्हें प्रणाम करते हैं।"

तामग्निवर्णां तपसा ज्वलन्तीं वैरोचनीं कर्मफलेषु जुष्टाम् । दुर्गां देवीं शरणं प्रपद्यामहेऽसुरान्नाशयित्र्यै ते नमः ॥9॥

tāmagnivarṇāṃ tapasā jvalantīṃ vairocanīṃ karmaphaleṣu juṣṭām | durgāṃ devīṃ śaraṇaṃ prapadyāmahe'surānnāśayitryai te namaḥ ||9||

जो अग्नि जैसे वर्ण वाली हैं, तप से प्रकाशित हैं, स्वयं प्रकाशमान हैं और कर्मफल देने के लिए जिनकी उपासना की जाती है — उन दुर्गा देवी की हम शरण लेते हैं। असुरों का नाश करने वाली देवी, तुम्हें नमस्कार है।

देवीं वाचमजनयन्त देवास्तां विश्वरूपाः पशवो वदन्ति । सा नो मन्द्रेषमूर्जं दुहाना धेनुर्वागस्मानुप सुष्टुतैतु ॥10॥

devīṃ vācamajanayanta devāstāṃ viśvarūpāḥ paśavo vadanti | sā no mandreṣamūrjaṃ duhānā dhenurvāgasmānupa suṣṭutaitu ||10||

देवताओं ने जिस वाणी-रूपा देवी को उत्पन्न किया, उसे अनेक रूपों वाले प्राणी बोलते हैं। वह कामधेनु के समान आनंद देने वाली, अन्न और बल देने वाली वाणी, भली-भाँति स्तुति किए जाने पर हमारे पास आए।

कालरात्रीं ब्रह्मस्तुतां वैष्णवीं स्कन्दमातरम् । सरस्वतीमदितिं दक्षदुहितरं नमामः पावनां शिवाम् ॥11॥

kālarātrīṃ brahmastutāṃ vaiṣṇavīṃ skandamātaram | sarasvatīmaditiṃ dakṣaduhitaraṃ namāmaḥ pāvanāṃ śivām ||11||

जो कालरात्रि हैं, ब्रह्मा द्वारा स्तुत हैं, वैष्णवी हैं, स्कन्दमाता हैं, सरस्वती हैं, अदिति हैं और दक्ष की पुत्री हैं — उन पवित्र करने वाली कल्याणमयी देवी को हम नमस्कार करते हैं।

महालक्ष्म्यै च विद्महे सर्वशक्त्यै च धीमहि । तन्नो देवी प्रचोदयात् ॥12॥

mahālakṣmyai ca vidmahe sarvaśaktyai ca dhīmahi | tanno devī pracodayāt ||12||

हम महालक्ष्मी को जानते हैं और सर्वशक्ति-रूपा का ध्यान करते हैं। वे देवी हमें प्रेरणा दें।

अदितिर्ह्यजनिष्ट दक्ष या दुहिता तव । तां देवा अन्वजायन्त भद्रा अमृतबन्धवः ॥13॥

aditirhyajaniṣṭa dakṣa yā duhitā tava | tāṃ devā anvajāyanta bhadrā amṛtabandhavaḥ ||13||

हे दक्ष! जो तुम्हारी पुत्री हैं, वे अदिति प्रकट हुईं; उनके बाद कल्याणमय, अमरता से जुड़े देवता उत्पन्न हुए।

कामो योनिः कमला वज्रपाणिर्गुहा हसा मातरिश्वाभ्रमिन्द्रः । पुनर्गुहा सकला मायया च पुरूच्यैषा विश्वमातादिविद्योम् ॥14॥

kāmo yoniḥ kamalā vajrapāṇirguhā hasā mātariśvābhramindraḥ | punarguhā sakalā māyayā ca purūcyaiṣā viśvamātādividyom ||14||

यह मन्त्र संकेत-भाषा में है — काम, योनि, कमला, वज्रपाणि, गुहा, ह-स, मातरिश्वा, अभ्र, इन्द्र, फिर गुहा, स-क-ल और माया। इन संकेतों से बनने वाली विद्या विश्वमाता की आदि-विद्या है, जो ब्रह्म-स्वरूप है।

एषाऽऽत्मशक्तिः एषा विश्वमोहिनी पाशाङ्कुशधनुर्बाणधरा । एषा श्रीमहाविद्या य एवं वेद स शोकं तरति ॥15॥

eṣā''tmaśaktiḥ eṣā viśvamohinī pāśāṅkuśadhanurbāṇadharā | eṣā śrīmahāvidyā ya evaṃ veda sa śokaṃ tarati ||15||

यही आत्म-शक्ति हैं, यही विश्व को मोहित करने वाली हैं, जो पाश, अंकुश, धनुष और बाण धारण करती हैं। यही श्री महाविद्या हैं। जो ऐसा जानता है, वह शोक से पार हो जाता है।

नमस्ते अस्तु भगवति मातरस्मान् पाहि सर्वतः ॥16॥

namaste astu bhagavati mātarasmān pāhi sarvataḥ ||16||

हे भगवती! तुम्हें नमस्कार है। हे माँ, सब ओर से हमारी रक्षा करो।

सैषाष्टौ वसवः सैषैकादश रुद्राः । सैषा द्वादशादित्याः । सैषा विश्वेदेवाः सोमपा असोमपाश्च । सैषा यातुधाना असुरा रक्षांसि पिशाचा यक्षाः सिद्धाः । सैषा सत्त्वरजस्तमांसि । सैषा ब्रह्मविष्णुरुद्ररूपिणी । सैषा प्रजापतीन्द्रमनवः । सैषा ग्रहनक्षत्रज्योतींषि । कलाकाष्ठादिकालरूपिणी । तामहं प्रणौमि नित्यम् पापापहारिणीं देवीं भुक्तिमुक्तिप्रदायिनीम् । अनन्तां विजयां शुद्धां शरण्यां शिवदां शिवाम् ॥17॥

saiṣāṣṭau vasavaḥ saiṣaikādaśa rudrāḥ | saiṣā dvādaśādityāḥ | saiṣā viśvedevāḥ somapā asomapāśca | saiṣā yātudhānā asurā rakṣāṃsi piśācā yakṣāḥ siddhāḥ | saiṣā sattvarajastamāṃsi | saiṣā brahmaviṣṇurudrarūpiṇī | saiṣā prajāpatīndramanavaḥ | saiṣā grahanakṣatrajyotīṃṣi | kalākāṣṭhādikālarūpiṇī | tāmahaṃ praṇaumi nityam pāpāpahāriṇīṃ devīṃ bhuktimuktipradāyinīm | anantāṃ vijayāṃ śuddhāṃ śaraṇyāṃ śivadāṃ śivām ||17||

वही देवी आठ वसु हैं, वही ग्यारह रुद्र हैं, वही बारह आदित्य हैं, वही सोम पीने वाले और न पीने वाले विश्वेदेव हैं। वही यातुधान, असुर, राक्षस, पिशाच, यक्ष और सिद्ध हैं। वही सत्त्व, रज और तम हैं; वही ब्रह्मा, विष्णु और रुद्र-रूपिणी हैं; वही प्रजापति, इन्द्र और मनु हैं; वही ग्रह, नक्षत्र और तारे हैं; वही कला-काष्ठा आदि समय-रूपिणी हैं। पापों को हरने वाली, भोग और मोक्ष देने वाली, अनंता, विजया, शुद्धा, शरण देने वाली, कल्याण देने वाली शिवा देवी को मैं सदा प्रणाम करता हूँ।

वियदीकारसंयुक्तं वीतिहोत्रसमन्वितम् । अर्धेन्दुलसितं देव्या बीजं सर्वार्थसाधकम् ॥18॥

viyadīkārasaṃyuktaṃ vītihotrasamanvitam | ardhendulasitaṃ devyā bījaṃ sarvārthasādhakam ||18||

वियत् (आकाश-बीज "ह"), ईकार और वीतिहोत्र (अग्नि-बीज "र") से युक्त, अर्धचन्द्र से सुशोभित — देवी का यह बीज ("ह्रीं") सब अर्थों को सिद्ध करने वाला है।

एवमेकाक्षरं ब्रह्म यतयः शुद्धचेतसः । ध्यायन्ति परमानन्दमया ज्ञानाम्बुराशयः ॥19॥

evamekākṣaraṃ brahma yatayaḥ śuddhacetasaḥ | dhyāyanti paramānandamayā jñānāmburāśayaḥ ||19||

शुद्ध चित्त वाले, परम आनंद से भरे, ज्ञान के सागर यति इसी एकाक्षर ब्रह्म का ध्यान करते हैं।

वाङ्माया ब्रह्मसूस्तस्मात् षष्ठं वक्त्रसमन्वितम् । सूर्योऽवामश्रोत्रबिन्दुसंयुक्तष्टात्तृतीयकः । नारायणेन संमिश्रो वायुश्चाधरयुक् ततः । विच्चे नवार्णकोऽर्णः स्यान्महदानन्ददायकः ॥20॥

vāṅmāyā brahmasūstasmāt ṣaṣṭhaṃ vaktrasamanvitam | sūryo'vāmaśrotrabindusaṃyuktaṣṭāttṛtīyakaḥ | nārāyaṇena saṃmiśro vāyuścādharayuk tataḥ | vicce navārṇako'rṇaḥ syānmahadānandadāyakaḥ ||20||

वाणी-बीज (ऐं), माया-बीज (ह्रीं), काम-बीज (क्लीं), फिर संकेतों से बने "चा", "मुं", "डा", "यै" और अंत में "विच्चे" — यह नवार्ण मन्त्र ("ऐं ह्रीं क्लीं चामुण्डायै विच्चे") है, जो महान आनंद देने वाला है।

हृत्पुण्डरीकमध्यस्थां प्रातःसूर्यसमप्रभाम् । पाशाङ्कुशधरां सौम्यां वरदाभयहस्तकाम् । त्रिनेत्रां रक्तवसनां भक्तकामदुघां भजे ॥21॥

hṛtpuṇḍarīkamadhyasthāṃ prātaḥsūryasamaprabhām | pāśāṅkuśadharāṃ saumyāṃ varadābhayahastakām | trinetrāṃ raktavasanāṃ bhaktakāmadughāṃ bhaje ||21||

जो हृदय-कमल के बीच विराजमान हैं, प्रातःकाल के सूर्य जैसी आभा वाली हैं, पाश और अंकुश धारण करती हैं, सौम्य हैं, जिनके हाथ वर और अभय मुद्रा में हैं, जिनके तीन नेत्र हैं, जो लाल वस्त्र पहनती हैं और भक्तों की कामनाएँ पूरी करती हैं — उन देवी का मैं भजन करता हूँ।

नमामि त्वां महादेवीं महाभयविनाशिनीम् । महादुर्गप्रशमनीं महाकारुण्यरूपिणीम् ॥22॥

namāmi tvāṃ mahādevīṃ mahābhayavināśinīm | mahādurgapraśamanīṃ mahākāruṇyarūpiṇīm ||22||

बड़े-बड़े भय दूर करने वाली, बड़ी-बड़ी कठिनाइयों को शांत करने वाली और महान करुणा की मूर्ति — हे महादेवी, मैं तुम्हें नमस्कार करता हूँ।

यस्याः स्वरूपं ब्रह्मादयो न जानन्ति तस्मादुच्यते अज्ञेया । यस्या अन्तो न लभ्यते तस्मादुच्यते अनन्ता । यस्या लक्ष्यं नोपलक्ष्यते तस्मादुच्यते अलक्ष्या । यस्या जननं नोपलभ्यते तस्मादुच्यते अजा । एकैव सर्वत्र वर्तते तस्मादुच्यते एका । एकैव विश्वरूपिणी तस्मादुच्यते नैका । अत एवोच्यते अज्ञेयानन्तालक्ष्याजैका नैकेति ॥23॥

yasyāḥ svarūpaṃ brahmādayo na jānanti tasmāducyate ajñeyā | yasyā anto na labhyate tasmāducyate anantā | yasyā lakṣyaṃ nopalakṣyate tasmāducyate alakṣyā | yasyā jananaṃ nopalabhyate tasmāducyate ajā | ekaiva sarvatra vartate tasmāducyate ekā | ekaiva viśvarūpiṇī tasmāducyate naikā | ata evocyate ajñeyānantālakṣyājaikā naiketi ||23||

जिनके स्वरूप को ब्रह्मा आदि भी नहीं जानते, इसलिए वे "अज्ञेया" कहलाती हैं। जिनका अंत नहीं मिलता, इसलिए "अनंता"। जिनका लक्ष्य दिखाई नहीं देता, इसलिए "अलक्ष्या"। जिनका जन्म नहीं जाना जाता, इसलिए "अजा"। जो अकेली ही सब जगह हैं, इसलिए "एका"। जो अकेली ही विश्व के अनेक रूपों में हैं, इसलिए "नैका"। इसीलिए वे अज्ञेया, अनंता, अलक्ष्या, अजा, एका और नैका कहलाती हैं।

मन्त्राणां मातृका देवी शब्दानां ज्ञानरूपिणी । ज्ञानानां चिन्मयातीता शून्यानां शून्यसाक्षिणी । यस्याः परतरं नास्ति सैषा दुर्गा प्रकीर्तिता ॥24॥

mantrāṇāṃ mātṛkā devī śabdānāṃ jñānarūpiṇī | jñānānāṃ cinmayātītā śūnyānāṃ śūnyasākṣiṇī | yasyāḥ parataraṃ nāsti saiṣā durgā prakīrtitā ||24||

जो मन्त्रों में मातृका (मूल अक्षर) हैं, शब्दों में ज्ञान-रूपिणी हैं, ज्ञानों में चिन्मय से भी परे हैं और शून्यों में शून्य की साक्षी हैं — जिनसे बढ़कर कुछ नहीं है, वे दुर्गा कही गई हैं।

तां दुर्गां दुर्गमां देवीं दुराचारविघातिनीम् । नमामि भवभीतोऽहं संसारार्णवतारिणीम् ॥25॥

tāṃ durgāṃ durgamāṃ devīṃ durācāravighātinīm | namāmi bhavabhīto'haṃ saṃsārārṇavatāriṇīm ||25||

उन दुर्गम, दुराचार को मिटाने वाली और संसार-सागर से पार उतारने वाली दुर्गा देवी को मैं, संसार से भयभीत, नमस्कार करता हूँ।

इदमथर्वशीर्षं योऽधीते स पञ्चाथर्वशीर्षजपफलमाप्नोति । इदमथर्वशीर्षमज्ञात्वा योऽर्चां स्थापयति शतलक्षं प्रजप्त्वापि सोऽर्चासिद्धिं न विन्दति । शतमष्टोत्तरं चास्य पुरश्चर्याविधिः स्मृतः । दशवारं पठेद् यस्तु सद्यः पापैः प्रमुच्यते । महादुर्गाणि तरति महादेव्याः प्रसादतः ॥26॥

idamatharvaśīrṣaṃ yo'dhīte sa pañcātharvaśīrṣajapaphalamāpnoti | idamatharvaśīrṣamajñātvā yo'rcāṃ sthāpayati śatalakṣaṃ prajaptvāpi so'rcāsiddhiṃ na vindati | śatamaṣṭottaraṃ cāsya puraścaryāvidhiḥ smṛtaḥ | daśavāraṃ paṭhed yastu sadyaḥ pāpaiḥ pramucyate | mahādurgāṇi tarati mahādevyāḥ prasādataḥ ||26||

जो इस अथर्वशीर्ष का पाठ करता है, उसे पाँच अथर्वशीर्षों के जप का फल मिलता है। जो इसे जाने बिना प्रतिमा स्थापित करता है, वह सौ लाख जप करके भी पूजा की सिद्धि नहीं पाता। इसकी पुरश्चर्या-विधि एक सौ आठ पाठ की बताई गई है। जो इसका दस बार पाठ करता है, वह शीघ्र पापों से मुक्त होता है, और महादेवी की कृपा से बड़ी-बड़ी कठिनाइयों से पार हो जाता है।